Casa da Cultura (entrada libre ata completar aforo)

SÁBADO 11 de maio

12.00 h

ONDE ESTÁ O VENTO?

Contacontos musical para bebés a cargo de XIADA SANLÉS

A Tareixa o que máis lle gusta no mundo é xogar co seu muíño de vento, pero un día, deixa de xirar. Onde está o vento? A nena emprenderá unha longa viaxe para descubrir o misterio: As nubes están enfermas porque os humanos levamos moitos anos contaminando e non poden facer soprar o vento. Pero aínda estamos a tempo de solucionalo coidando o noso planeta!

17.30 h

O TESOURO DE XALUNDES

Teatro e música ao vivo a cargo de CASACOCO

Mina érguese cedo todos os días para ir á escola. A cidade é ruidosa e gris, os profes fanlle repetir exercicios sen parar e non queren que cante… Ao chegar á casa, aos veciños tamén lles molesta que cante, así que decide emprender unha viaxe polo mundo alentada pola carta da súa avoa  na que lle fala dun tesouro que hai en Salundes. Na súa aventura coñecerá a novos amigos que se unirán na procura do tesouro e cantará e cantará…

DOMINGO 12 de maio

11.30 h

ACCIÓN, REVOLUCIÓN!

Obradoiro de stop-motion a cargo de KRAKEN ACADEMIA DE ANIMACIÓN

O cinema foi sen dúbida unha revolución á hora de contar historias con imaxes. Neste obradoiro traballaremos a técnica tradicional do stop-motion para crearmos personaxes do máis animado

12.30 h

CONTOS PARA CAGHAR PATATILLAS

Contacontos a cargo de BRAIS DAS HORTAS

Valente non é quen non ten medo, senón quen é capaz de enfrontalo. Diso falan estes contos, cheos de música, humor e efectos especiais que invitan á participación do público, ao baile e á construción de instrumentos con materiais de refugallo. Historias que saen dunha vella maleta escondida no faiado nunha noite de inverno.

17.30 h

ALEGRÍA!

Concerto a cargo de SERGIO TANNUS

Alegra, unha eiruga que é todo ledicia vivirá todo un mollo de aventuras sorprendentes que, canción a canción, irán axudándonos a viaxar polo territorio da fantasía. Esta historia que acompañou a Sergio Tannus desde a Casa das Maninas, institución que acolle crianzas carentes, no seu Brasil natal ata a Galicia, puido facerse realidade en forma de libro-cd e de espectáculo musical.